ஆதி சித்தனின் வருகை...

நேற்றைய தொடர்ச்சி...

இது நம்ப முடியாதது என பலர் நினைக்கலாம் ,அதைப்பற்றி  நான்  கவலைப்பட போவதில்லை, ஏனெனில் இதனை எங்கள் வீட்டில் உள்ள அனைவரும் ,என் நண்பர்களும் அனுபவத்தால் கண்டவர்கள்.

தலைவனை  தரிசனம் செய்து விட்டு, வீட்டுக்கு வந்தாகி விட்டது. என் மனதில் ஒரே கவலை வருவாரா இல்ல வரமாட்டாரா ? என்ன செய்வது தேவை இல்லாமல் நண்பர்களிடம் வேறு பந்தயம் கட்டியாகிவிட்டது .

என்செயல் யாவது ஒன்றும் இல்லை இனி தெய்வமே உன்செயல் என்று பட்டினத்தாரை மனதில் நினைத்துக்கொண்டு எனக்கு தெரிந்த ஆதி சித்தனின் தமிழ் மந்திரத்தை மனதில் உச்சரித்து கொண்டு இருந்தேன்.

அவன் வரமாதிரி தெரியவில்லை ,அதனால் மனதை தேற்றிகொண்டு நண்பர்களிடம் சென்று தோல்வியை ஒப்பு கொள்ளலாம் என்று வீட்டை விட்டு கிளம்பினேன்.

எங்கள் வீட்டுக்கு அருகில் உள்ள கடையில் தான் உட்கார்ந்து நாங்க சத்சங்கம் செய்வது வழக்கம் . எல்லாரும் என்னைப்பார்த்து சிரித்தார்கள்.

பாலா ரொம்ப ஆசைப்படாத சித்தன் வரானா பார்க்கலாம் என்று கேலியாக என்னைப்பார்த்து சிரித்தர்ர்கள்.

அப்போது மணி சரியாக எட்டாக 10  நிமிடம் இருந்ததது.  எல்லாரும் என்னைப்பார்த்து இப்படி தான் நக்கல் பண்ணனும் சொல்லமுடியாத அளவுக்கு என்னை பாடா படுத்தினார்கள் . எல்லாம் அவன் செயல் என்று இருந்தபோது , எங்கள் ஊருக்கு வரும் பேருந்தில் இருந்து , ஒரு வயதான பெரியவர் இறங்கி வந்து கொண்டு இருந்தார்.  தூரத்தில் இருந்து பார்க்கும் போது அவர் ஒரு பரதேசி போல் இருந்தார்  யாரும் அவரை சரியாக உன்னித்து பார்க்கவில்லை . நேரம் நெருங்க நெருங்க எங்களை நோக்கி அவர் வந்து கொண்டு இருந்தார்.

அவர் எங்களை கிட்டவந்து நெருங்கும் நேரம்,  நாங்க அனைவரும் வெலவெலத்து போனோம். நல்லதொரு வெள்ளை வேஷ்டி , மார்பில் துணி இல்லை , நீண்ட ஜடா முடி , கையில் கமண்டலம் , உடல் முழுக்க ருத்ராட்சை அணிந்து இருந்தார். அவருடைய கண்களை எங்களால் பார்க்க முடியவில்லை ஏனென்றால், எங்களுக்கு  அந்த சக்தி இல்லை .

தலையில் ஜடாமுடியை நன்றாகா முடித்து போட்டு அழகாக  வைத்திருந்தார் .

அவரை பார்த்தவுடன், எங்களுக்கு ஒன்றும் பேச தோன்றவில்லை , இருப்பினும் என் வீட்டருகே வந்து நின்றார்.  பின் என்னைப்பார்த்து இங்கே வா என்று உரிமையாக அழைத்தார்.  அவரிடம் மிக மரியாதையாக சென்று , ஐயா என்று அழைத்தேன்.

இன்று உனக்கு பிறந்த நாள் தானே என்று வினவினார், நான் எதுவும் கூறாமல் மெளனமாக நின்றேன்.

உனக்கு இன்று பிறந்த நாள் , ஆகையால் உன்னை சந்திக்க சொல்லி எனக்கு உத்தரவு வந்துள்ளது வா மகனே  உன் வீட்டுக்குள் போகலாம் என்று அழைத்தார்.

நான் எதுவும் பேசவில்லை ,என் நண்பர்களோ அதிர்ச்சியில் இருந்து மீளவில்லை .

நம்ப முடியவில்லையா உங்களால் ?  இந்த கலியுகத்தில்....

அவருடன் நடந்த உரையாடலை நாளைய பதிவில் காணலாம்,

சிவ அனுபவம் தொடரும்...

என்றும்-சிவனடிமை-பாலா-சென்னை.