அகத்தியர் ஞானம்‍ 9ல் 3

அன்புள்ள சித்த உள்ளங்களுக்கு,

பாட‌ல்:3

பார‌ப்பா நால்வேத‌மும் நாலும் பாரு 
    ப‌ற்றாசை வைப்ப‌த‌ற்கோ பிணையோகோடி;
வீர‌ப்பா ஒன்றொன்றுக்கு கொன்றை மாறி
   வீணிலே ய‌வர் பிழைக்குச் செய்த‌ மார்க்க‌ம்

தேர‌ப்பா தெருத்தெருவே புலம்பு வார்க‌ள்
   தெய்வ‌நிலை ஒருவ‌ருமே காணார் காணார்
ஆர‌ப்பா நிலைநிற்க‌ப் போறா ரையோ!   
   ஆச்ச‌ர்ய்ங் கோடியிலே யொருவ‌ன் தானே.

விள‌க்க‌ம்: விளக்கம் கொடுக்கும் அளவுக்கு எனக்கு தகுதியில்லையென்றாலும் , எனக்குத்தெரிந்த கருத்துகளை தான் உங்கள் முன்னிலையில் வைக்கிறேன். தவறு இருப்பின் சுட்டிக்காட்டவும்.

நான்கு வேத‌ங்க‌ளையும் பார்க்கும்போது அவ‌ற்றை எழுதியவர்க‌ள் மிக‌ச்சிற‌ந்த‌ ரிஷிக‌ள் ம‌ற்றும் முனிவ‌ர்க‌ள் ஆவார்கள். ஆனால் இவை அனைத்தும் ப‌ற்றாசை வைப்ப‌த‌ற்க்கு உதவும் என‌வும், ந‌ல்ல‌து என‌வும் தீய‌து என‌வும் கூறி அவ‌ர‌வ‌ர் பிழைப்ப‌த‌ற்குச் அவர்(ருத்திரன்) ஏற்ப‌டுத்தி கொடுத்த‌ மார்க்கம் இதுவாகும். உல‌கில் மனிதன் இய‌ற்கையோடு இய‌ற்கையாக வாழ்ந்த போது  அவனுக்கு எந்த‌வித‌ வேத‌மும் தேவைப‌ட‌வில்லை. நாள‌டைவில் நாகரீக‌த்தின் போர்வையில் அவன் வந்தபோதுதான் போட்டிகள், பொறாமைக‌ள் மற்றும் களவு போன்றவை ஏற்ப‌ட்ட‌போது தான் உலகில் நீதி ம‌ற்றும் தர்ம‌ம் தோன்றிய‌து. அத‌ன்பின் தான் வேத‌ உப‌நித‌ட‌ங்க‌ள் தோன்றிய‌து.

தாங்க‌ள் இய‌ற்றிய‌ நூல்க‌ளை கொண்டு தெருத்தெருவே புல‌ம்புவார்க‌ள் ஆனால் உண்மையான‌ தெய்வ‌த்தை அவர்கள் அறிய‌மாட்டார்கள் எனவும். இந்த உலகில் யாருமே நிலையாய் இருக்க போவதில்லை  எனவும், இருப்பினும் தெய்வ‌ம் என்ற‌ த‌த்துவ‌த்தை எவ‌ன் ஒருவ‌ன் உணர்கிறானோ அவ‌னே நிலையாய் நிற்பான் என‌வும், அவ‌ன் கோடியில் ஒருவ‌ன் தான் இருப்பான் என‌வும் கூறுகிறார்.

கொஞ்ச‌ம் க‌டின‌மான பாதை தான்.....

என்றும்-சிவனடிமை-பாலா-சென்னை.